Me rastin e festave të fundvitit, e gjithë Policia Rrugore e Tiranës është angazhuar për të lehtësuar qarkullimin.
Padyshim që kryeqyteti mbetet destinacioni dhe qyteti më shumë i vizituar në këto ditë dhe për rrjedhojë trafiku i rënduar është thuajse prezent, ashtu siç është edhe prezenca e Policisë Rrugore, që duhet thënë që përballon një ngarkesë të jashtëzakonshme fizike me orare të zgjatura vetëm për të siguruar mbarëvajtjen e rrymave të trafikut dhe për të parandaluar ngjarjet e rënda rrugore.
Në një njoftim, thuhet se Policia Rrugore e mbështetur edhe nga Patrullat e Përgjithshme dhe Shqiponjat, është prezente thuajse në të gjitha segmentet rrugore dhe më e shtuar kjo prezencë është në afërsi të tregjeve industriale dhe fruta-perimeve.
