Adele nuk mori pjesë në ceremoninë Oscar por shkoi në festën e organizuar nga Guy Oseary. Edhe pse gjendej mes të famshmëve të tjerë si Reese Witherspoon, Rihanna, Kardashians, Charlize Theron dhe Jessica Alba këngëtarja tërhoqi të gjithë vëmendjen e të pranishmëve dhe mediave me ndryshimin drastik në pamje.
Ajo u shfaq me një fustan “Ralph & Russo” me dizajn leopardi, ku dukej e mahnitshme dhe mbi të gjitha me një bel super të hollë.
“Dukej kaq ndryshe, e bukur, por nuk njihej,” tha një burim për People.
“Dukej e gjatë dhe jashtëzakonisht e bukur. Kishte bel të ngushtë dhe forma të lakuara.”, tha një tjetër për People.
Megjithatë ishte pikërisht kjo fotografi e saj me moderatoren polake, Kinga Rusin, e cila tregoi qartë ndryshimet aq të komentuara.
Kujtojmë se Adele vijon të ndjekë një regjim strikt dietik dhe ushtrimor. Supozohet se ajo ka humbur rreth 30 kilogramë me dietën e rreptë, që i lejon të hajë vetëm perime jeshile.
“Rënia në peshë s’kishte kurrë synim të qenit më e dobët. Donte të ishte më e shëndetshme dhe ta trajtonte më mirë trupin e saj. Adele hoqi dorë nga alkooli dhe po ha ushqime organike. Sidoqoftë, ka filluar t’i pëlqejë mënyra si duket tani. Ka më shumë vetëbesim, vishet ndryshe dhe është më e lumtur,” u tha një muaj më parë nga burime të afërta pranë saj./Opinion.al
