Miss Shqipëria 2024 është Klea Llagonia.
Nga një kala në tjetrën, duke rilindur historitë duke rizgjuar të shkuarën për të shkuar më përpara në të ardhmen!
Kalaja e Klaudianës në Peqin, ka marrë vëmendjen e merituar nga një spektakël bukurie!
Konkurentet nuk ishin thjesht ca vaja të bukura, por luftëtare për të përcjellë mesazhe të fuqishme, promovuese të turizmit, ambasadoret e tokës së shqipeve.
Në shkëlqimin e dritave të skenës, të veshura me kostume të krijuara enkas për këtë spektakël nga Lilo Shehu, 25 konkurentet e Miss Shqipëria kanë dhënë e kanë marrë emocione.
Era e “betejës” u ndje në skenën e krijuar enkas për to brenda mureve të Kalasë së Peqin.
Më shumë se një betejë ajo çfarë kanë përjetuar vajzat është një ëndërr.
Shumë prej tyre, pjesëmarrjen në Miss Shqipëria e shohin si një eksperiencë, disa si një mënyrë për të udhëtuar e për të ushqyer shpirtin e aventurës.
Pse jo dikush si një mundësi për të fituar një bursë studimi universitar! Të tjera si portën më të madhe të prurjeve në modeling dhe TV-së.
Këtë vit, sfidave të zhvillimit të eventit larg komoditetit në kushtet e sallave të mbyllura, iu shtua edhe sfida për ta ndryshuar disi formatin tradicional 26 vjeçar!
Kjo si në imazhin e paraqitjes përpara publikuar, me më shumë impenjim në rrjetet sociale dhe platformat e tjera, por edhe në lidhje me çmimet tradicionale të cilave iu shtuan tre ekskluzivitete përfaqësimi.
Gjatë natës spektaklit në madhështinë e mureve të Kalasë, me artistët më të mirë nga trevat shqipfolëse, me jurinë me profesionitë dhe emra të famshëm të showbizit, me prezantimin exelent të Ermal Peçit dhe Drita Zirit e cmimeve tradicionale iu baskangjitën edhe vlerësimi për:
Miss Earth Albania që u dha nga Miss Earth 2023 e u fitua nga Xhesika Pengili.
Miss International Albania, që u dha nga miss International 2022, u fitua nga Desara Hatia.
Miss Supranational Albania, u shpall Argita Xhangoli.
Miss Shqipëria 2024 eventi unik e më jetëgjatë i bukurisë sapo ka zgjedhur princeshat e bukurisë, po në të njëjtën kohë sapo ka nisur puna për promovimin dhe mbështetjen e fitueseve në kompeticionet ndërkombëtare, vëmendja e të cilave ka qënë shumë intensive gjatë gjithë rrugëtimit të këtij viti.
Stafi krijues e realizues i Miss Shqipëria çdo herë janë në “betejë” për të qënë unikë e larg përsëritjeve!
Betejat unike, krijojnë vizione unike ashtu si Miss Shqipëria që është në konkurencë me veten për të mbetur “The best”.
