Aktualitet

Festa e Sulltan Nevruzit, krerët e shtetit urojnë besimtarët bektashinj


Bëhu pjesë e Grupit Zyrtar të Opinion.al
>> KËTU <<
               Publikuar në : 14:09 - 22/03/21 |
Opi Nion

Në ditën e Sulltan Nevruzit krerët më të lartë të shtetit kanë uruar të gjithë besimtarët bektashinj për këtë festë të shenjtë në besimin e tyre.

Presidenti i vendit Ilir Meta nëpërmjet një postimi në llogarinë e tij, ka shkruan ndër të tjera se një shpresë e re po lind, duke u krijuar kështu edhe mundësi të reja.

“Gëzuar Festën e Sulltan Nevruzit, ditëlindjen e Imam Aliut!

U bashkohem sot lutjeve për shëndetin tuaj dhe të çdo anëtari të familjes! Një shpresë e re po lind dhe një epokë me mundësi të reja po çel bashkë me rigjallërimin e natyrës! Diell dhe Pranverë në zemrën e çdo shqiptari!”- shkruan Presidenti Meta.

Edhe Kryeministri Rama nëpërmjet një postimi në Facebook ka uruar të gjithë besimtarët.

Gëzuar Ditën e Sulltan Nevruzit të gjithë Komunitetit Bektashian”- shkruan Edi Rama.

Gjithashtu një urim e ka patur edhe kryedemokrati Lulzim Basha. Basha uron që kjo ditë të jetë një orgur i mbarë për të gjithë famijedt që i luten Zotit për mirën shëndetin dhe mposhtjes e së keqes.

“Të dashur besimtarë bektashinj! Gëzuar nga mot Sulltan Novruzin!

Qoftë kjo ditë e bekuar një ogur i mbarë për çdo shqiptar e për çdo familje që sot i lutet Zotit për të mirën, shëndetin dhe ngadhënjimin mbi të keqen!”- citon Lulzim Basha.

Në një  dalje mediatike edhe kryetarja e LSI Monika Kryemadhi ka uruar besimtarët. Ajo e ka cilësuar shiun e imët të kësaj dite si bereqet për të gjithë shqiptarët.

‘Do doja që të ishte një ditë me diell, por nganjëherë dhe ky shiu është bereqet. Le të jetë bereqet për familjet e shqiptarëve, në këtë ditë të shënuar të Sulltan Novruzit, ju uroj mbarësi gjithë shqiptarëve, gjithë besimtarëve bektashinj. Pavarësisht se kjo është një nga forcat tona më të mëdha, harmonia fetare që kemi si popull që ringjalljen e jetës e sjell në këtë ditë të mrekullueshme për të risjellë dhe për të ringjallë begatinë , mirësinë dhe lumturinë për të gjitha familjet shqiptare. Ju uroj gëzuar edhe juve që gjithmonë jeni njerëzit në terren dhe transmetoni pozitivistet tek njerëzit. Mbarësi dhe ditë më të mira do të vijnë për shqiptarët. Gëzuar!”, u shpreh Kryemadhi./Opinion.al

Pas