Ambasada e Republikës së Shqipërisë në Uashington DC zhvilloi një pritje me rastin e 105 vjetorit të Pavarësisë në një atmosferë festive, me pjesëmarrjen e dhjetra të ftuarve, ministrit të Jashtëm Ditmir Bushati si dhe tre ish-ambasadorëve amerikan në vendin tonë.
Me këtë rast, morën pjesë Ulliam Rajerson ambasador në Shqipëri nga viti 1992-1994, Mariza Lino 1996-1999 dhe Aleksandër Arvizu 2010-2015.
Gjithashtu të pranishëm ishin edhe senatori Gary Peters, kongresmeni Eliot Engel dhe zyrtari amerikan Hoyt Brian Yee.
