Festa e Pashkëve ka rikthyer shqiptarët në atdhe këtë fundjavë.
Sipas të dhënave zyrtare, gjatë 24 orëve të fundit në Pikën e Kalimit Kufitar të Kakavijës janë përpunuar gjithsej 10,700 shtetas në hyrje-dalje, nga të cilët 7,740 në hyrje dhe 2,960 në dalje.
Po ashtu, janë regjistruar 3,656 mjete, prej tyre 2,796 në hyrje dhe 860 në dalje.
Fluksi ka nisur të rritet që në fillim të javës, kur lëvizjet kapnin shifrën 5,500, ç’ka përbën një rritje prej rreth 80% krahasuar me ditët e zakonshme.
Aktualisht të dyja palët funksionojnë me nga 3 sportele në hyrje dhe 3 në dalje pa shënuar radhë në pritje.
