Kryeministri Edi Rama duket se e ka nisur fushatën. Ashtu siç është shprehur edhe më parë në media, PS do të jetë derë më derë për të kërkuar vota. Sot ai ka shfrytëzuar ditën e festës së bektashinjve për të uruar nga afër familjen e Baba Reshat Bardhit.
Rama është shoqëruar nga kreu i PS për Tiranën, Saimir Tahiri. Kjo vizitë u pasqyrua ‘live’ në facebook-un e tij. Ndonëse ishte një ditë feste, Rama ka folur për arritjet e qeverisë por në momente të caktuara e ka shoqëruar biseden me batuta me një vajzë të vogël të familjes nga e cila mori shkas për të folur për të birin:. “Zahon e kemi qeros. E qethim, e bëjmë gjithë kohës kështu si ‘lulëkuqet mbi mure’. E kemi katunar Surreli, rri me pulat, me lopët e me qenin atje. Po, po ka një grup shokësh”, tha Rama.
Më tej, vajza e vogël e familjes që u mbajt në qendër të vemendjes nga Rama gjate gjithe vizites, u pyet nga Tahiri nëse e mban rripin e sigurimit. Ajo nxorri dhe nje sekret te familjes, duke thene se “babai nuk e vendos rripin e sigurimit ne makinë”. Moment i sikletshëm ky per familjen qe priste Kryeministrin dhe ish-ministrin e Brendshem për vizitë. /Opinion.al
