Edhe pse tashmë është kreu i qarkut të Fierit, kreu i Grupit Parlamentar të PS-së, Taulant Balla, ishte sot i pranishëm në Festën e Mjaltit të organizuar në Librazhd, ku u zhvillua një panair i prodhimeve bujqësore dhe një festival i Valles Dyshes
Balla tha se obligimi i tij si djalë dhe deputet i zgjedhur më 25 prill në këtë zonë është të forcojë traditën.
“Së pari dua ta përgëzoj kryetarin e bashkisë dhe bashkinë e Librazhdit për vijimin e kësaj eksperience kaq të shkëlqyer që nxjerr në pah një prej produkteve më tipike të zonës së Librazhdit. Banorë kaq të shkëlqyer e punëtorë sa ka Librazhdi, prodhojnë falë natyrës një mjaltë shumë të veçantë, jo vetëm ai i luleve, por edhe gështenjës dhe akacies Ajo që dua t’ju them që përveç festës së mjaltit sot është edhe festa e valles dyshe që është mjalti artistik zonës sonë”.
“Kemi krijuar një traditë, ku nga e gjithë Shqipëria vijnë këtu në Librazhd. E treta është pjesa e prodhimeve bio. Bëhet fjalë për prodhime tërësisht bio, dhe natyrshëm obligimi im si djalë i kësaj zonë, deputet i kësaj zonë, është që ne të vazhdojmë ta forcojmë traditë. Ndoshta prej vitit të jashtëm mos të jetë një ditë Dita e Panairit, por një Weekend i plotë”, tha Balla.
