Besimtarët myslimanë kudo në botë festojnë sot Kurban Bajramin, që njihet ndryshe si Festa e Sakrificës.
Të shumtë ishin besimtarët që falën namazin e Kurban Bajramit në sheshin “Skënderbej”, këtë mëngjes në Tiranë.
Sipas traditës së festës së Kurban Bajramit, besimtarët myslimanë pas kryerjes së ritit fetar e vazhdojnë ditën me kryerjen e vizitave tek familjarët dhe të afërmit e tyre. Pjesë e traditës së Bajramit është edhe therja e kurbanit, mishi i të cilit ndahet mes pjestarëve të familjes, të afërmve dhe të varfërve.
Kjo ditë për besimtarët myslimanë shënon vullnetin e Ibrahimit për të sakrifikuar djalin e tij sipas urdhrave të Zotit./Opinion.al
