Agropërpunuesit shqiptarë kanë vendosur të mos furnizojnë tregun me produkte të freskëta bulmeti për dy ditë. Lajmin e bën të ditur “Shoqata e Industrialistëve Ushqimorë”, e cila nëpërmjet një deklarate për shtyp thotë se kjo masë vjen pasi nuk ka ende një zgjidhje nga Ministria e Financave dhe Ekonomisë.
“Ashtu siç është deklaruar më parë, në mungesë të një zgjidhjeje nga Ministrisa e Financave dhe Ekonomisë, grumbulluesit dhe agropërpunuesit e Lushnjës, Beratit, Divjakës, Kuçovës, Gjirokastrës, Shkodrës e rretheve të tjera të vendit kanë ndërprerë grumbullimin e qumështit sot dhe nesër […] Këto akte demostruese vijnë si mbështetje e prodhuesve bujqësorë, kundër uljes së kompensimit të TVSH-së për fermerin, nga 20 – 6 përqind, pasi këto ndryshime ligjore do të shkaktojnë dëmtim të prodhimit vendas duke favorizuar importet, rritur informalitetin, si dhe cenuar sigurinë udhqimore.
Ritheksojmë që kauza e fermerevë, grumbulluesve dhe agropërunuesve është qartësisht ekonomike dhe nuk ka asnjë lidhje me politikën”, thuhet në deklaratë.
Gjithashtu këtë të mërkurë, shumë prodhues, fermerë dhe grumbullues kanë zhvilluar një protestë në rrethrrotullimin e Lushnjes. Fermerët protestuan edhe një javë më parë, ku në shenjë indinjate ndaj politikave të qeverisë, derdhën qumështin në rrugë./Opinion.al
