Fermerët e Beratit kanë zhvilluar mëngjesin e sotëm një protestë. Ata ankohen se nuk po gjejnë treg për të shitur prodhimet e tyre për shkak të prodhimeve që vijnë nga jashtë. Më tej ata shtojnë se qeveria nuk i ka mbështetur me asnjë subvencion sipërmarrjet e tyre.
“ Nuk kam marr ndonjë shtesë te sera ime, as subvencionime jo, as ndonjë lekë nga shteti. me krahët e mi të gjitha me familjet, kam futur edhe fëmijët, që po i marr më qafë në serë. Edhe taksat vijnë na i kërkojnë, taksat i kemi paguar” tha një prej fermerëve protestues.
Për pasojë të protestës së tyre është bllokuar aksi kombëtar, Lushnje – Berat në vendin e quajtur Ura e Kuçit. /Opinion.al
