Ditën e sotme Fermerët e Myzeqesë kanë sfiduar motin e keq duke protestuar para Ministrisë së Bujqësisë. Fermerët i kanë bërë thirrje që të rimbursohen për investimet e tyre.
Po ashtu, fermerët kërkojnë dhe uljen e çmimit të naftës si dhe ngritjen e një laboratori për cilësinë e produkteve të tyre.
“S’kemi marrë asnjë lekë subvencion. Ne kërkojmë që të ulet çmimi i naftës pasi e marrim me1700-1800. Një tjetër pikë është që të ngrihet një laborator për ngritjen e cilësisë së produktit. I kërkojmë AKU që të bëjë detyrën e saj dhe ministrisë së Bujqësisë. Nuk e merr njeri përsipër që të sigurojë serat. Kemi aplikuar për këto fonde, por s’kemi marrë asnjë”, -tha një prej protestuesve.
Me thirrjet “Ministri e turpit”, “S’jemi për lëmoshë” shprehen që fondi që është përcaktuar për bujqësinë t’u jepet atyre. Pas thirrjeve të fermerëve, ka reaguar Ministria së Bujqësisë.
Mësohet se Mësohet se sekretari i përgjithshëm i Ministrisë ka dalë nga zyra e tij dhe ka takuar nga afër protestuesit, ndërkohë që mori kontakte me përfaqësues të shoqatës së fermerëve./ Opinion.al
