Vijojnë protesta e paralajmëruara në pjesën dërrmuese të vendit. Ashtu si një ditë më parë, fermerët e Devollit kanë nisur protestën e tyre, ndërsa kanë bllokuar aksin nacional Korçë-Kapshticë.
Në protestë marrin pjesë qytetare, biznese të vogla dhe fermerë të cilët kërkojnë uljen e çmimit të naftës, të energjisë elektrike si dhe ndihmë për fermerët e njohur të kësaj zone.
Qytetaret e Devollit shprehen të vendosur në protestën e tyre, ndërsa me ta janë solidarizuar edhe shoferët e makinave.
Ndërkohë protesta të ngjashme janë paralajmëruar edhe për në qytete të tjera të vendit nga jugu në veri.
