Një ngjarje e rëndë ka ndodhur në Ferizaj, ku një 15 vjeçare ka humbur jetë dhe motra e saj 18-vjeçe ndodhet në gjendje të rëndë, pasi janë hedhur nga kati i katërt i një banese. Rasti është konfirmuar nga zëdhënësi i Policisë për Rajonin e Ferizajt, Kanun Veseli.
“Me datën 21.01.2023 rreth orës 21:35 policia rajonale e Ferizajt ka pranuar një informacion se në rrugën ‘Sandër Prosi’ në Ferizaj, dy vajza të moshës 18 dhe 15 vjeç kanë rënë nga kati i katërt i një objekti banesor. Të njëjtat për ndihmë mjekësore janë dërguar në Qendrën Emergjente në Ferizaj dhe më pas për tretman të mëtutjeshëm mjekësor (në gjendje të rëndë shëndetësore) janë dërguar për në QKUK-Prishtinë”, ka thënë Veseli.
Sipas të dhënave zyrtare, njëra nga të lënduarat, vajza me inicialet Z.M., e moshës rreth 15 vjeçe për pasojë ka ndërruar jetë, kjo e konfirmuar nga mjekët, ndërsa e lënduar ka mbetur vajza A.M. e moshës rreth 18 vjeçare.
Dyshimet e para janë se fillimisht është hedhur vajza 15-vjeçare, ndërsa më pas ka rënë edhe e motra në tentativë për ta shpëtuar./Opinion.al
