Gazetari Eni Ferhati ka dhënë detaje nga arrestimi i Kryetarit të Bashkisë Bulqizë, Lefter Alla. Duke folur në emisionin “Opinion” Ferhati la të kuptohet se kishte patur një rrjedhje informacioni dhe lajmi në media ishte ndarë përpara se arrestimi të ekzekutohej.
“Lefter Alla e ka parë arrestimin e tij në televizor, ndonëse nuk ishte ekzekutuar. Ka patur një rrjedhje informacioni. Zoti Alla është banor i qytetit të Tiranës, por shpesh qëndronte në qytetin e Bulqizës tek vëllai i tij dhe është dashur një kohë që forcat e policisë të arrinin në Bulqizë”, tha gazetari./Opinion.al
