Ferdinand Elezi është kandidatura e parë që ka paraqitur kërkesën për Prokuror të Përgjithshëm.
Mësohet se ditën e sotme ai ka zhvilluar një takim me Adriatik Llallën, të cilit ditën e djeshme i mbaroi mandati.
Aktualisht Ferdinand Elezi është drejtues i Prokurorisë së Apelit Durrës.
Opinion.al para një muaji paralajmëroi kandidaturën e tij si kandidat i mundshëm.
Një ditë më parë maxhoranca vetëm me votat e saj miratoi projektvendimin për zgjedhjen e një Prokurori të Përgjithshëm të përkohshëm sipas rekomandimeve të partnerëve ndërkombëtarë EURALIUS dhe OPDAT.
Ky projektvendim u kundërshtua fort nga deputetët e opozitës të cilët pretendojnë se kemi të bëjmë me një boshllëk kushtetues ku asnjë institucion nuk ka të drejtë të shpallë mbarimin e mandatit të prokurorit aktual, Adriatik Llalla.
Lajmi i publikuar një muaj më parë në Opinion.al në lidhje me emrat e mazhorancës për shefin e ri të Prokurororisë së Pergjithshme, vijon si më poshtë:
Kush janë emrat e mazhorancës për shefin e ri të Prokurorisë së përgjithshme?
