Femrat kanë më shumë interes për një mashkull, sapo zbulojnë se ai pëlqehet nga një femër tjetër. Të paktën në këtë përfundim kanë dalë studiuesit. Sipas tyre, meshkujt që kanë interesin e një femre janë më joshës se të tjerët. Kjo sepse në mendjen e femrave krijohet ideja se ai është më i mirë se të tjerët.
Për të arritur në këtë informacion, shkencëtarët grumbulluan një grup femrash dhe i kërkuan atyre të rendisnin disa fotografi meshkujsh nga më tërheqësi te ai më pak. Pas renditjes së parë, femrave iu tregua një informacion shtesë për këta meshkuj, ku ndër to edhe numri i partnereve që kanë pasur. Menjëherë pas këtij zbulimi, femrave iu kërkua të bënin një tjetër renditje, me të njëjtat fotografi, ku herën e dytë ajo ndryshoi.
Menjëherë meshkujt që kishin pasur më shumë femra, ose pëlqeheshin nga dikush dolën të parët në listë.
