Dita e Gruas ‘festohet’ në shumë vende të botës. Shqipëria, ku nderimi tipik i kësaj dite bëhet nëpër restorante, me dreka e muzikë, nuk është e vetmja që feston në këtë mënyrë por në vende të ndryshme të botës, ritualet ndryshojnë… Le të fillojmë me Ekuadorin, ku ka një park dedikuar gruas që quhet “El Parque de las Mujeres”. Në këtë ditë organizohen demonstrata dhe evenimente të dedikuara, vetëm për gratë.
Në Peru gratë organizojnë festa dhe nuk lejojnë burrat të marrin pjesë në to. Evenimenti më popullor është “pollada” me tregjet ku shiten patate, mish pule etj, paratë e të cilave shkojnë për festimin e kësaj ngjarjeje.
Në Honduras, asgjë nuk festohet më 8 mars, pasi kjo ditë festohet më 25 janar.
Edhe në Afrikë festohet më 8 mars, në vende ku gratë kanë marrë fuqi dhe luftojnë për idealet e tyre. Shoqatat e grave organizojnë festa të përmasave të mëdha në Kamerun dhe në një masë më të vogël në Zimbabve./Living/
