Në orët që pasuan mbrëmjen e së sulmeve të së enjtes në Nisë, duke u kujdesur për të plagosurit, ndërsa të vdekurit dergjeshin në rrugë, të mbijetuarit u përballëb me kujtimet e heshtura të humbjes së mbrëmjes: kukulla e një vajze, ngjitur me një trup të mbështjellë me letër. Një kapele e vogël rozë, e shqyer. Një biçikletë plastike fëmijësh, e thyer në mes dhe e harruar në rrugë.
Këto ishin kujtime, që tregonin se në terrorin brutal nuk janë kursyer as fëmijët.
Sipas prokurorit francez Francois Molins, 10 fëmijë dhe adoleshentë gjenden mes 84 viktimave të shkaktuara kur një njeri drejtori një kamion në mes të turmës, në ditën e Bastijës, përgjatë Promenade des Anglais. Një numër i panjohur të rinjsh janë plagosur dhe janë laguar nga familjet e tyre.
Sulmet terroriste janë gjithmonë të konsideruara si ndërpreje jete të palogjikshme e të dhunshme, por ato duken veçanërisht të urryera, kur marrin jetë fëmijësh. Në një festim familjar, si ai që po ndodhte në Nisë, ishte e sigurt që fëmijët do të ishin të pranishëm.
Fëmijët, më të rrezikuarit
Për një fëmijë ishte shumë e lehtë të humbiste në mes të konfuzionit. Dr. Richelle Christian, nga “Lenval Children’s Hospital” në Nisë, ka treguar për CNN se spitali është duke trajtuar tre fëmijë në gjendje kritike. Ajo pohon se doktorët kanë patur vështirësi në identifikimin e fëmijëve, duke qenë se shumë prej tyre janë ndarë nga familjet. Një adresë në tuiter e quajtur “Recherce Nice” (Nisa Kërkon) është duke postuar foto të personave që familjet i kërkojnë. Shumë prej tyre janë fëmijë. Disa janë gjetur, ndërkohë që të tjera postime kanë mbetur pa përgjigje.
Pamjet e pashlyera të ngjarjes
Tarubi Wahid Mosta, një aktor parisian i cili ndodhej me pushime në Nisë, kishte dalë të pinte një cigare, kur pa ngjarjen. “Njerëzit po vraponin dhe po bërtisnin nëpër rrugë,” ka treguar ai për CNN. Mori kamerën dhe shkoi të shohë se çfarë po ndodhte.
“Në tokë shikojë sende pafund që njerëzit i kishin hedhur apo kishin harruar”, tregon. Ai postoi më pas fotot e lodrave të braktisura, ku gjendej madje edhe një karrocë e boshatisur fëmijësh.
Mosta i postoi fotografitë në Facebook. “Familje…të shkatërruara në një moment,” shkroi ai.
Për të dhënë një ide se sa shumë fëmijë kanë qenë të pranishëm në vendngjarje, një foto e publikuar nga CNN tregon një kamion që është përdorur për të pastruar vendin. Të ngarkuar mbi të janë duzina karrocash të harruara në kaos.
Një familje në pushime
Ende po identifikohen viktimat. Një bab nga Teksasi dhe djali i tij gjenden mes viktimave. Sipas familjarit të tyre, Sean Copeland, 51 vjeç dhe djali i tij Brodie, 11 vjeç, ndodhedhin më pushime me anëtarë të tjerë të familjesm për një festë ditëlindjeje.
“Ne jemi të dërrmuar dhe të shokuar për vdekjuen e Brodie Copeland, një djalë dhe vëlla i mrekullueshëm dhe Sean Copeland, një bahskëshort dhe baba i shkëlqyer”, thonë familjrët e tij. “I duam shumë.”
Brodie luante bejzboll dhe skuadra e tij postoi një mesazh: “Askush nuk e meriton një fat të tillë”.
David Williams në Atlanta dhe Atika Shubert në Nisë, mundësuan këtë shkrim për CNN.
