Mediat greke i kanë kushtuar një artikull të veçantë të riut nga Tepelena, i cili mori vëmendjen pas një sherri në një klub në Patra.
Protothema.gr shkruan se i riu është një reper mjaft i njohur në Greqi, madje një nga këngët e tij ka arritur të kalojë 17 milionë shikime në kanalin “YouTube”.
Bëhet fjala për Klaudio Dhespo, i njohur si “Toquel”, i cili është lindur në Tepelenë. Ai tërhoqi vëmendjen e mediave pas një sherri dhe rrahjen që shpërtheu pak ditë më parë në një klub të njohur teksa ai po performante.
Është dashur ndërhyrja e Policisë për t’i dhënë fund sherrit të ashpër për shkak të të cilit kanë mbetur të plagosur disa prej spektatorëve. Ndërsa media greke shkruan se kjo nuk është hera e parë që Toquel përballet me dhunë dhe luftime.
Gjatë fëmijërisë së tij, në moshën 4-5 vjeç, ai ishte dëshmitar i dhunimit të nënës së tij nga i ati, i cili ishte luante me lojëra fati duke shpenzuar paratë që fitonte nga puna që bënte.
Në moshën 9-muajshe Toquel erdhi ilegalisht nga Shqipëria në Greqi për një të ardhme më të mirë me nënën dhe dy vëllezërit e tij.
“Kam 25 vite në Greqi, që në moshën 9-muajshe kur erdha nga Tepelena e Shqipërisë në kurrizin e babait dhe nënës. Ishte e paligjshme, sepse bënim letra false. Por ne ishim të parregullt, jo të paligjshëm. Babai im ishte njeriu që bënte gjithçka, ai bënte hidraulikun, elektricistin, riparime dhe nëna ime ishte pastruese dhe kujdesej për një grua që ishte pranë shtëpisë tonë”-ka treguar ai.
Jeta e tij ndryshoi tërësisht, pas problemeve dhe sherreve në shtëpi.
“Kur shkova në shkollën fillore filluan problemet. Trazirat në shtëpi, babai im ishte mizor dhe nëna ime u sëmur. Babai nuk pinte por merrej me kumar, luante shumë. Ai abuzonte me nënën time. Ai ka ngrënë dru, nuk është gënjeshtër, shumë dru, edhe unë kam hyrë në mes, mbaj mend që i rashë në grusht babit. Është një fenomen i zakonshëm në ditët e sotme. Unë njoh të tjerët që e njohin. Nga Shqipëria, nga Bullgaria, nga Rumania, nga Greqia, nga ku të doni. Shumë baballarë kanë problemet e tyre, problemet e tyre psikologjike dhe shpërthejnë tek gruaja”, tregoi ai për fëmijërinë errët.
Karriera
Ai filloi të merrej me muzikë në klasën e 6-të, ndërsa repi e magjepsi dhe sidomos Eminem. Nga viti 2008 ai filloi dalëngadalë të shkruante dhe publikonte këngët e tij, por suksesi erdhi pas 11 vitesh, në vitin 2019. Deri atëherë Klaudio kishte realizuar 6 albume të cilat nuk patën një ndikim të madh në publik dhe nuk i dhanë paratë e nevojshme për të jetuar.
“Ai i mori këto nga aktivitetet ilegale dhe punët që nuk ishin kurrë të qëndrueshme. Ndër aktivitetet ilegale ishte edhe tregtia e vogël e drogës, hashashit dhe kokainës” shkruan gazeta. Pak para se të shkonte nga Heraklioni i Kretës në Athinë, ai ishte me nënën e tij në Korfuz ku qëndruan rreth 8 muaj dhe më pas u kthyen në Kretë. Hap pas hapi ai filloi karrierën në Athinë ku u zhvendos më pas me nënën./Opinion.al
