Federata Shqiptare e Ndeshjes së Lirë-MMA, sot, në orën 18:00, ka lajmëruar një aktivitet sportiv ku pritet të ballafaqohen luftëtarët më të mirë në këtë disiplinë për titullin kampion në peshën 75 kg.
Në një njoftim për mediat, bëhet me dije se për herë të parë kjo federatë në bashkëpunim me UFC Albania sjellin konferencën e parë për shtyp rreth MMA në Shqipëri.
Mësohet se risia e kësaj konference është debutimi i titullit kampion për peshën 75 kg ku në sallë do jenë të pranishëm për pyetjet nga publiku dy protagonistët kryesor të eventit Ermal Hadribeaj dhe Niko Pjetri, që më pas më 13 Gusht do të përballen me njëri-tjetrin për këtë titull.
Gjithashtu, një tjetër detaj për t’u mos u humbur, është shpallja e kampionit për Kupën ”AGC” ku Klajdi Metani dhe Kol Ndreca do të provojnë forcat për të vendosur se kush do të shpallet fituesi i kësaj kupe.
Më pas, në përfundim të konferencës, do të zhvillohet dhe ballafaqimi i shumëpritur i luftëtarëve me njëri-tjetrin. Mos mungoni, sot, ora 18:00 në ambjentet e Tirana International Hotel
