Drejtori i Byrosë Federale të Hetimeve (FBI), Christopher Wray, deklaroi se Rusia është e vendosur të ndërhyjë në zgjedhjet e SHBA-së, pavarësisht sanksioneve dhe përpjekjeve të tjera për ta penguar.
“Absolutisht, rusët përpiqen të ndërhyjnë në zgjedhjet tona”, tha Wray, gjatë një seance dëgjimore të Komisionit për Gjyqësi të Senatit.
“Gjithçka që kemi bërë kundër Rusisë, a nuk i ka penguar ata mjaftueshëm?”, pyeti senatori, Lindsey Graham, kryetar i Komitetit të Senatit.
“Pikëpamja ime është se derisa ata të ndalen, nuk janë penguar mjaftueshëm”, tha shefi i FBI, Christopher Wray.
Kujtojmë se Robert Mueller, ish-prokuror special, ka realizuar një hetim dy-vjeçar për ndërhyrjen e Rusisë për të ndikuar në garën presidenciale të 2016-s./Opinion.al
