Tre zyrtarë të Bashkisë Kavajë janë vënë nën hetim dhe rreth 1,500 metra katrorë plazh janë liruar gjatë një aksioni anti-informalitet në Kavajë.
Burime nga policia bëjnë me dije se janë vënë në hetim 3 zyrtarë të bashkisë së Kavajës të cilët akuzohen se kanë lejuar disa biznese të ushtrojnë aktivitet të paligjshëm.
Konkretisht janë nën hetim P. P, me detyrë përgjegjës i Zyrës së Kadastrës Urbane dhe të Menxhimit të Aseteve Publike, në Bashkinë Kavajë, M. Sh, me detyrë Drejtor i Drejtorisë së Tatim Taksave Vendore në Bashkinë Kavajë dhe Q. L, me detyrë Kryeinspektor i Policisë Bashkiake në Bashkinë Kavajë.
Gjatë aksionit janë liruar 1500 m2 plazh të zaptuara në mënyrë të paligjshme dhe janë sekuestruar 200 shezlongë dhe. 140 çadra plazhi, të vendosura në mënyrë të paligjshme në hapësirat publike. Nën hetim u vunë edhe tre administratorë të subjekteve, . F., B. Ç. dhe M. B. /Opinion.al
