Inspektori i Lartë i Drejtësisë ka kërkuar shkarkimin e prokurorit të Krujës Bujar Memia, me argumentin se ka favorizuar lirimin e të dënuarit me burgim të përjetshëm Hekuran Billa. Ky i fundit u ekzekutua në një atentat në Tiranë, pas kohë pasi kishte fituar lirinë.
Kërkesa është bërë zyrtare përmes një shkrese dërguar Këshillit të Lartë të Prokurorisë, hap ky që vjen pak kohë pas kërkesës për shkarkim edhe të gjyqtares së Krujës Enkelejda Hoxha.
Kërkesa për shkarkimin e Hoxhës nuk është shqyrtuar ende pasi seanca e së premtes u shty për të dytën herë, sepse gjyqtarja kërkoi më shumë kohë për t’u njohur me çështjen./Opinon.al
