Imunologu i njohur amerikan Anthony Fauci, anëtari më autoritar i task forcës së Shtëpisë së Bardhë kundër Covid-19, parashikon që një vaksinë kundër koronavirusit mund të jetë gati brenda vitit të ardhshëm, pra për një vit ose një vit e gjysmë, sikurse raportojnë mediat amerikane.
Shkencëtari ka bërë me dije se ka marr garanci nga kompanitë prodhuese që mund të realizojnë deri në 1 miliardë doza, për t’i shpërndarë jo vetëm në SHBA, por në të gjithë botën, citon Ansa.
Fauci ka theksuar se ndonëse vaksina nuk do të jetë efikase 100%, komuniteti shkencor mendon se do të krijojë imunitetin e tufës në një numër të mjaftueshëm pacientësh me një efikasitet 70%-75%./Opinion.al
