Kryeministri Edi Rama ka replikuar me deputeten demokrate Grida Duma sa i përket vendimit të qeverisë për të rritur çmimin e energjisë për konsumatorët që shpenëzojnë mbi 800 KW energji.
Sipas deputetes ata që në dimër shpenëzojnë 800 KW do të paguajnë një faturë prej 7,600 lekësh në muaj.
“Nëse shpenzoni më shumë se 7,600 lekë në muaj energji, fatura shtesë do të jetë 4.4 herë më e lartë! Të gjithë ata që normalisht në dimër shpenzojnë më shumë se 800 kw energji, që i korrespondon një fature prej 7,600 lekësh në muaj, do ta paguajnë energjinë shtesë shumë më shtrenjtë.” Ky është vendimi i qeverisë, e cila pretendon që kjo prek vetëm 3 % të qytetarëve.
Duke parë faturën dhe shpenzimin tuaj, mendoni që ju prek ky vendim dhe kjo rritje?”, shkruan Duma.
Ndërkohë kryeministri Edi Rama është përgjigjur dhe ka thënë se 800 KW nuk prodhojnë një faturë mujore 7.600 lekë, por një faturë 9120 Lekë.
Për ata që duan të harxhojnë më shumë, Rama thotë se do ta paguajnë çdo KW mbi 800-ën me çmimin real, 42 Lekë me TVSH.
“Komenti im është ky: 7X7 nuk bëjnë 42 dhe 800 kw/h energji nuk prodhojnë një faturë mujore 7.600 lekë, por një faturë 9.120 lekë! Kush do të harxhojë më shumë, për çdo kw mbi 800-ën nuk do të paguajë çmimin e mbrojtur 9.5 lekë me TVSh, po çmimin real 42 lekë me TVSh”, shkruan Rama.
Sipas kreut të qeverisë sot vetëm 4% e konsumatorëve shpenzojnë mbi 800 KW/h.
“Sot janë vetëm 4% e konsumatorëve që shpenzojnë mbi 800 kWh dhe marrin 19% të konsumit energjetik të familjeve! Ne besojmë se kjo masë do të nxisë kursimin e nga ana tjetër do t’i detyrojë më të pasurit të paguajnë më shumë, në këtë kohë krize kur ata janë edhe më pak të prekurit”, shkruan Rama.
Komenti im është ky: 7X7 nuk bëjnë 42 dhe 800kwh energji nuk prodhojnë një faturë mujore 7.600 lekë, por një faturë 9.120 lekë! Kush do të harxhojë më shumë, për çdo kw mbi 800-ën nuk do të paguajë çmimin e mbrojtur 9.5 lekë me TVSh, po çmimin real 42 lekë me TVSh! pic.twitter.com/8hoKbKHmTM
— Edi Rama (@ediramaal) September 8, 2022
