Deputeti i PS, Damian Gjiknuri ka dalë në një bashkëbisedim me gazetarët për zgjedhjen e Presidentit të ri.
Ai është pyetur për kandidaturat per president, nese mund te jetë edhe ish-kryeministri Fatos Nano një emër. Gjiknuri ka thënë se nuk do të komentojë emra të përveçëm. Sipas tij të gjithë kanë shanse për tu zgjedhur.
“ Këtu s’jam të komentoj emra të përveçëm. Të gjithë kanë shanse sipas asaj që thatë, e kemi thënë që kufizimet tona janë nuk kërkojmë të jetë nga grupi ynë parlamentar, por që ka figura me kontribute qoftë ish-politikanë të cilët natyrshëm mund të jenë kandidatë…
Identifikimi i emrave në këtë fazë do ishte gabim e do krijonte pritshmëri të rreme për publikun. Por asnjë nuk është i përjashtuar përfshi edhe emrin në fjalë patjetër.”, tha ai./Opinion.al
