Ish- Ministri i Brendshëm Fatmir Xhafaj është rikthyer sërish në vëmendjen publike, gjatë një intervistë në gazetën “Dita”, ku ka folur jo vetëm për raportet me kundërshatërt politikë, por edhe për sulmet brenda partisë socialiste. Nga ana tjetër gjatë kësaj interviste, Xhafa nuk e ka përjashtuar mundësinë që pikërisht shkak për dorëheqjen e tij të jenë bërë edhe këto sulme brenda mazhorancës. Mgjithatë ai ka preferuar të mos i bëjë publike këto elementë, duke u shprehur se helmin brenda familjes politike, preferon ta tresë.
“Nuk dua ta besoj që gjërat kanë arritur deri këtu, por për hir të së vërtetës edhe e mendoj. Kam dëgjuar shumë në këtë aspekt nga shqiptarë dhe ndërkombëtarë. Ndoshta ka edhe të vërteta në këtë histori, por preferoj që helmin brenda familjes sime politike ta tres dhe jo ta shes”, ka thënë Xahfaj.
Ndonëse pas largimi nga posti i ministrit, veprimtaria e Fatmir Xhafajt është parë të zbehet edhe në aktivitetet e Partisë Socialiste, Xhafa ka folur edhe për pozicionin që ka mbajtur Kryeministri Rama në çështjen ku u përfshi vëllai i tij Agron Xhafa.
Raporti me Kryeministrin
“Po flasim për çështjen konkrete dhe deri në momentin që unë u largova nga detyra. Në këtë kontekst në vlerësimin tim Kryeministri Edi Rama në këtë çështje ka mbajtur një qëndrim realist si nga pikëpamja institucionale, ashtu edhe ajo njerëzore e personale”, tha Xhafa.
Ish-ministri preku në intervistën e tij edhe opinione për kreun e opozitës Basha dhe deputetin Berisha, ndaj të cilëve nuk i kurseu fjalët.
“Për efekt të kësaj interviste kjo gjë ka pak rëndësi, por një fakt dihet mirë. Berisha është absolutisht babai i intrigës, shpifjes dhe fyerjes në politikë. Nuk arrij dot ta mendoj se si një person në moshën e tij, me gjithë atë formim kulturor e eksperiencë qeverisëse edhe sot vazhdon të ofrojë në publik të njëjtën gjuhë përçarëse, baltën, fyerjen e shpifjen për cilindo që nuk i përshtatet interesave të tij!! Ndaj është një person që nuk besoj se meriton më shumë komente”, ka thënë Xhafa në intervistë.
Dorëheqja
Por ndërsa ka folur për dorëheqjen e tij, Xhafaj nuk e ka lidhur atë me ngjarjen e të vëllait, por sërish ka akuzuar Partinë Demokratike lidhur me çësahtjen Babale.
“Siç ju thashë më lart, për çështjen e tim vëllai, unë e kisha dhënë njëherë dorëheqjen si ministër në vitin 2002. Asnjë gjë të re nuk kishte ndryshe në vitin 2018 për këtë çështje, përveç telenovelës Babale të SHQUP-it!!
Nëse akuza e PD-së do të ishte sadopak e vërtetë, unë jo vetëm që do të kisha dhënë dorëheqjen, por do të kisha marrë të gjitha përgjegjësitë e tjera me këtë rast, por në kushtet kur ishte shumë e qartë që gjendeshim përpara një intrige shumë të ulët, dorëheqja ime do të ishte kapitullim i shtetit kundrejt shantazhit politik dhe kriminal.
Nga ana tjetër ky sulm kundrejt meje vinte pikërisht në kohën kur Policia e Shtetit sapo kishte hyrë në një fazë të progresit cilësor në luftën kundër krimit, veçanërisht atij të organizuar. Ndoshta si asnjëherë tjetër më parë partnerët tanë i kishin ofruar Policisë së Shtetit gjithë besimin në bashkëpunimin institucional ndërkombëtar. Suksesi i punës së Policisë së Shtetit në atë kohë ishte perceptuar si i tillë edhe nga opinioni publik. Sondazhe serioze të agjencive joqeveritare vendase apo ndërkombëtare, edhe në muajt pas publikimit të audio-regjistrimit fals, tregonin për një mbështetje në rritje nga publiku ndaj punës së policisë, por edhe ndaj meje si ministër i Brendshëm. Kush dëshiron një kopje të tyre është i mirëpritur”, thotë Xhafa.
