Ish-ministri i Brendshëm, Fatmir Xhafaj i cili përpos deputet nuk ka asnjë funksion tjetër ka kërkuar një takim me gazetarët. Është njoftuar se në orën 18:00 Fatmir Xhafa do të presë për një kafe pune gazetarët e kronikës. Biseda do të jetë informale thuhet në njoftim pra nuk do të lejohet regjistrimi i saj me kamera.
Por çfarë ka për të thënë Fatmir Xhafa në këto kohë kur nuk ka asnjë funksion shto këtu faktin se sa kur ishte ministër nuk i mblodhi asnjëherë gazetarët. A do të flasë ai për punën e shkurtër në krye të dikasterit të Brendshëm? A do ti kujtojë ai Ramës premtimin e bërë se disa prej ministrave që u larguan për ministrat teknikë do ti rikthejë në detyrë? Kjo pritet për tu parë sot pasdite…
Rama për Xhafajn:
“Lufta kundër kanabisit, dhe fenomeni i kanabisit do të mbyllet këtë vit. Të dy ministrat, si Tahiri ashtu edhe Xhafaj kanë bërë një punë të shkëlqyer me Policinë e Shtetit dhe luftën kundër krimit dhe drogës. Ndaj me marrjen e mandatit të dytë qeveritar, Xhafaj do të rikthehet në detyrë si Ministër i Brendshëm”, deklaroi Rama në Studio e Hapur pak kohë më parë.
