“Në SHBA nuk do të mungojnë kurrë miqtë e Shqipërisë”.
Kështu i referohet takimit me senatorin demokrat të SHBA, Tim Kaine, Kreu i Partisë Republikane Fatmir Mediu.
Mediu ka postur në facebook foton nga takimi me senatorin, që është njëkohësisht kandidat për zv/President në krah të Hillary Clinton.
“Me Kandidatin për Zv/President në krah të Hillary Clinton, mikun Senatorin Tim Kaine gjatë vizitës në Washington DC”, shkruan Mediu.
“Të dashur miq! Në SHBA kurrë nuk do të mungojnë miqtë e Shqipërisë. Me Kandidatin për Zv/President në krah të Hillary Clinton, mikun Senatorin Tim Kaine gjatë vizitës në Washington DC. Tim Kaine pata kënaqësinë ta takoj gjatë vizitës në Amerikë, ai Ka një eksperiencë Të gjatë politike dhe është vlerësues për Shqipërinë dhe shqiptarët. debati politik në zgjedhjet në Amerikë shtron para nesh një sërë detyrimesh. Tashmë NATO nuk mund të shihet vetem si një aleancë ku mund të përfitosh por edhe si një kontribut i vendeve anëtare të saj për të shpenzuar 2 % Të GDP siç Ka kërkuar kandidati Republikan Trump. Po ashtu në sigurinë e informacionit, Cyber Security në menyrë që të mos përfundojmë si vend anëtare pa të drejtë që të kemi informacionet kryesore dhe të jemi pa rol me vendimarrje. Ne kemi intereres që Administrata e re Amerikane të ketë vemendje të vazhdueshme në marrëdhëniet strategjike me Shqipërinë ndaj do ishte e pafalshme sjellja foshnjore e qëndrimeve kundër njërës apo tjetrës alternative. Zgjedhjet zhvillohen në Amerikë dhe nuk ka ngelur që ” udhëheqesit e mëdhenj” shqiptar të deklarojnë si duhet të votojnë Amerikanët. Ne kemi një përgjegjësi përgatitjen dhe zhvillimin e zgjedhjeve të ndershme në Shqipëri, të cilat me këtë mazhorancë jane të pamundura.
