Avokati Ilia Ilia është dhunuar sot nga dy persona përpara Prokurorisë së Durrësit. Nuk dihen arsyet e kësaj ngjarjeje dhe policia po punon për identifikimin e autorëve.
Ndërkohë, Balkanweb ka publikuar disa minuta më parë fotot e avokatit, që me sa duket është goditur në fytyrë pasi shihet I fashuar në hundë dhe në pjesën e syrit.
Sidoqoftë gjendja fizike e avokatit duket e mirë, ndërsa në foto ai shihet duke folur në telefon.
Ilia ka folur për “Panorama”, ndërsa ka përmendur edhe emrin e prokurorit Arjan Ndoji, si shkak të dhunës ndaj tij.
“Isha duke dal nga prokuroria në momentin që dy persona me dolën përpara dhe më than ti je filani?! Po i thash, ça ke që ke debatuar me Arjan Ndojin prokurorin. Ti je i fortë?! Aty më qëlluan me grusht dhe dyshojnë kishin dorezë hekuri. Më pas shkova i gjakosur tek prokurori Ndoj dhe i thash që do ta paguash shtrenjtë këtë. Kam bërë kallëzim në polici dhe prokurori. Strukturat shtetërore duhet të veprojnë të arrestojnë Ndojin”.
Ilia Ilia ka pasur çeshtje te rëndësishme, ka mbrojtur grupin e Shijakut dhe ka qenë edhe avokat i Lul Berishes.
