Edhe pse ka një zgjatje të fashës orare të lëvizjes së qytetarëve në Shqipëri, masat vijojnë të jenë në fuqi për shkelësit. Në një lidhje në Opinion, përfaqësuesi i policisë rrugore Albert Dervishaj shpjegoi në mënyrë të detajuar oraret e lëvizjes, mënyrat e qarkullimit me automjet dhe ndëshkimet për shkelësit.
“Sikurse jemi në dijeni, në bazë të vendimeve të komitetit të emergjencave civile, nga dita e hënë ka filluar të zbatohet një fashë e re orare, për lëvizjen e automjeteve edhe të këmbësorëve.
Sipas të cilës, fasha orare do të jetë nga ora 5 e mëngjesit deri në 17 e 30 për lëvizje të qytetarëve të cilët brenda kësaj fashe do të kryejnë nevoja të furnzimit, pazarit, blereje medikamentesh apo shërbime të tjera. Gjithmonë këta janë me leje duke bërë aplikimin në aplikacionin e Albania.
Për çdo familje një person do të dali për të bërë pazar. Moshat e treta, që kanë një brez të caktuar dhe sistemi nuk ua lejon atumatikisht nuk do lejohen. E veçanata është tek automjetet. Automjetet do të lejohen të lëvizin për nevoja pune përmes autorizimeve apo vetëdeklarimeve që kanë marr për momentin. Autorizimet janë të vlefshme, me një kusht që askush nuk ta të drejtë të abuzojë me autorizimin. Çdo qyetar që është në punë të shkojë dhe të kthehet nga puna, por jo të dalë për xhiro”, tha Dervishaj duke shpjeguar se orari i lëvizjes për të shkuar në punë në mëngjes është 05:00- 08:00 dhe orari i kthimit 16:00-17:00.
I pyetur nga gazetari Blendi Fevziu për automjetet që janë në punë dhe duhet të lëvizin përtej kësaj fashe, Dervishaj tha:
Ne kemi një listë të miratuar nga Ministria e Shëndetësisë, sipas të cilës të gjitha bizneset e lejuara do të vzhdojnë aktivitetin brenda të gjitha kondicioneve që kanë deri tani. Një pjesë e veprimtarisë që kanë të bëjnë me furnizmin e qytetarëve shqiptarë me ushqime apo aktivitete të tjera, sigurisht që këto do të lejohen brenda fashave orare.
Fevziu: Kam një qytetar që më pyet se ka një aktivitet me vaska peshku. A ka leje speciale për këta që kanë punë më specifike?
Dervishaj: Në bazë të akteve të Ministrisë, Drejtori i Policisë ka specifikuar me shkrim që aktivitete si vaskat e peshkut që përmendët, pularia apo blegtoria, sigurisht që këto nuk do të pengohen për të shkuar në destinacionin që janë.
Dervishaj shpjegoi se autorizimet e leshuara janë të vlefshme, por me kusht që asnjë nga bizneset të mos e përdori si pretekst sepse do të ndalohen dhe do të ndëshkohen konform kërkesave të këtij ligji./Opinion.al
