Edi Rama ka vendosur tu përgjigjet më ashpër se kurrë kritikëve të tij. Ai i quan injorantë ata që mbrojnë idenë se fasada e stadiumit “Qemal Stafa”, duhet ruajtur siç është pasi i përket trashëgimisë kulturore. Sipas Kryeministrit, basorilievet janë vepër e komunisteve dhe duhen shporrur. Ai ka ilustruar me foto, punën për stadiumin ku shihet qartë se gjithçka është shembur.
Statusi i plotë i Ramës në Facebook
Kujevënësit profesionistë që argument kanë injorancën kanë vënë alarmin (për dy basorelieve pa asnjë vlerë, që tutkunët e regjimit të vjetër i’a mballosën fasadës së “Qemal Stafës”) dhe po bërtasin që po dëmtohet trashëgimia kulturore. Ato basorelieve që turpëronin edhe Realizmin Socialist, e kanë kryer misionin e tyre të shëmtimit e nuk hyjnë askund si vlerë e trashëgimisë kulturore.
Fakti është që fasada monument kulture po trajtohet me të gjitha standartet profesionale nën mbikqyrjen e Institutit të Monumenteve të Kulturës në bashkëpunim me qendrën italiane të ekselencës në restaurim Palazzo Spinelli.
Të gjithë elementët e gurtë të kohës po inventarizohen dhe do të rivendosen në vendin e tyre, njësoj siç kanë qenë në projektin e arkitektit të famshëm, ku në vend të dy mballomave vulgare prej betoni, do të realizohen dyert e parashikuara e dizenjuara nga Gherardo Bosio
Prandaj, edhe njëherë #QentëLeTëLehinKarvaniDoEcëPërpara dhe stadiumi i ri do të jetë përgjigja përfundimtare, për gjithë furtunat në gotën e dembelizmit mendor e të karshillëkut provincial ndaj të resë, që u ngritën e do të ngrihen, derisa Arena Kombëtare të imponohet me të gjithë rrezatimin e saj.
Të tjera rreth temës: Fasada e stadiumit/ Artan Lame kërkon ndjesë…Po, në emër të kujt?
Në foto: Nga punimet për stadiumin që do të quhet “Arena Kombëtare”
