Pasi i ka konsideruar zgjedhjet e 11 majit të blera dhe të dominuara nga bandat, kreu i Partisë Demokratike, Berisha foli edhe për afatin kur selia blu do të bëjë raportin përfundimtar të zgjedhjeve.
Ai deklaroi se ky raport do të jetë gati nga datat 10-15 qershor dhe ku do t’i paraqitet kancelarive dhe institucioneve ndërkombëtare.
“Ne po operojmë, sot shpërndajmë raportin e paraprak të përditësuar. Raportin përfundimtar do e kemi gati në datat 10 deri më 15 qershor. Këtë raport për farsën elektorale do ia paraqesim misionit të OSBE/ODHIR. Do e dërgojmë në të gjitha kancelaritë e vendeve anëtare të OSBE, BE të Këshillit të Europës, do e dërgojmë te të gjitha institucionet ndërkombëtare, do e dërgojmë në parlamentet dhe komisionet e të drejtave të njeriut”, tha Berisha
Gjatë kësaj konference kryedemokrasti theksoi se u ngritën qendrat paralele elektorale me qendrat e votimit të PS, ku sipas tij, “zyrtarë të niveleve të larta, qëndrojnë të fshehur, klandestinë, për të drejtuar operacionin e trenit bullgar dhe paguar votat që blejnë”.
Berisha deklaroi se zyrat sekrete ishin pa asnjë shenjë elektorale dhe se tentonin të fshihen prapa xhamit.
“Ikën me çantën me dokumente. Kjo, Enkelejda Ymeraj, drejtoreshë qendrore e inovacionit. Me kapuçon se kërkon të maskohet. Një kriminele me detyra të larta. Dhe si ia mbathin, shikoni si ikin…”, u shpreh ai.
Pjesë nga deklarata e Berishës
“Mercenarë të paguar bëjnë çdo gjë që të justifikojnë dhe t’u servirin shqiptarëve farsën elektorale si proces zgjedhor. Këta, edhe njëherë, në minimum mercenarë, që nxijnë letra, shkrime, artikuj dhe të tjerë, janë mashtrues kongenitalë dhe falsifikatorë të paskrupullt. Ata duan të paraqesin, duan të gjejnë në universin e farsës, ishuj në të cilët pretendojnë se ishte paqja në zgjedhje.
Këtu do paraqes pak qendrat paralele elektorale me qendrat e votimit të PS, ku zyrtarë të niveleve të larta, qëndrojnë të fshehur, klandestinë, për të drejtuar operacionin e trenit bullgar dhe paguar votat që blejnë.
Zyra sekrete pa asnjë shenjë elektorale, në të cilën tentojnë të fshihen prapa xhamit. Ikën me çantën me dokumente. Kjo, Enkelejda Ymeraj, drejtoreshë qendrore e inovacionit. Me kapuçon se kërkon të maskohet. Një kriminele me detyra të larta. Dhe si ia mbathin, shikoni si ikin…
