Ditën e djeshme, Enca publikoi këngën e re ‘Rendez vous’ e cila u prit mjaft mirë nga publiku shqiptar dhe brenda pak orëve pas publikimit theu rekorde shikueshmërie në Youtube.
Ajo u shfaq me skena të nxehta në klip, ku me këmbët e ngritura lart derdhte qumësht mbi veten, veprim që u komentua mjaft në rrjet. Në njërën prej videove të shkëputura nga kënga, të cilin Enca e kishte publikuar në profilin e saj në Instagram, një fanse e pyeste për mesazhin që këngëtarja jepte me këngën e re.
“Një pyetje shum miqësore. Cili është mesazhi vleror që përcillni në këtë këngë? Më ndihmo që ta kuptoj.”
“Që t’a duam atdheun, familjen dhe mësuesin. Po sikur të dalësh nga flluska jote vlerore, të bëhesh më pozitive dhe thjesht të shijosh një këngë qëllimi i së cilës është të bëjë të kërcesh dhe të ndihesh happy për 3 minuta? Apo s’bëhet? Shpresoj që të ndihmova.”- ja ktheu Enca, duke e lënë fansen me gisht në gojë me përgjigjen.
