Këngëtarja dhe aktorja Miley Cyrus është një nga personazhet më ekstravagantë të Hollywood-it. Ajo konsiderohet si një person pa komplekse dhe me mjaft guxim në hapat e saj si në karrierë edhe në jetën personale.
Ajo dhe aktori Liam Hemsworth janë lidhur në martesë pak muaj më parë pas një lidhje të gjatë plot ulje-ngritje. Për herë të fundit ata janë fotografuar në një hotel në Barcelonë ku Cyrus kishte performuar në Festivalin e ‘Sound Primavera’.
Megjithatë jo çdo gjë duket se ka shkuar mirë pasi në dalje të hotelit, Miley është ‘sulmuar’ nga një grup fansash. Në një video të publikuar në rrjete sociale shihet Miley, e cila po ecën pas bashkëshortit të saj, kur në një moment një fans afrohet, përqafon me forcë këngëtaren dhe tenton t’a puthë.
Ajo shihet duke u larguar para se fansi të arrijë t’a puthë. Këngëtarja arrin të ‘strehohet’ pranë bashkëshortit të saj i cili vendos krahun e tij rreth saj.
Pas këtij incidenti asnjëri prej tyre nuk është shprehur. Vetëm pak ditë më parë Miley i është rikthyer sërish muzikës me albumin e saj më të ri “She is coming”./Opinion.al/
