Matuni mirë para se t’i flisni për fëmijët Kim-it. Blogerja e njohur u ka mbyllur gojën njerëzve që e kritikuan që e kishte lënë të birin, Saint West, për të festuar Vitin e Ri ndërsa ai ishte i shtruar në spital me penumoni. Kim Kardashian iu ka treguar vendin të gjithëve me një status.
“Nuk e lashë djalin për asnjë minutë gjatë qëndrimit të tij në spital,” shkruante ajo në Twitter. “Ne ishim atje nga e mërkura në darkë deri të shtunën. Nata e Vitit të Ri ishte të dielën në darkë. Njerëzit erdhën kur ai ishte bërë gati për gjumë!”E mbylli mesazhin me disa fjalë të forta për këdo. “Mos guxoni të merreni me mua për fëmijët e mi.”
Postimi i Kim-it erdhi vetëm pak ditë pasi ajo tregoi për shtrimin në spital të Saint. “Djali im i çmuar është shumë i fortë! Pasi kam kaluar tri net në spital dhe kam parë djalin që merrte serume të ndryshme, i kapur pas makinerive të oksigjenit, fundi ynë i vitit ishte shumë sfidues. Dua vetëm të falënderoj të gjithë infermierët dhe mjekët e spitalit që punojnë të palodhur gjatë 24 orëve. Ju jemi kaq mirënjohës të gjithëve. Ai është në shtëpi dhe është shëruar. I kapërcen aq lehtë vështirësitë sa jam e sigurt që do thotë që xhiroja me ambulancë ishte e këndshme! Saint-i im i fortë”, shkruajti Kim në Instagram.
