Debati i ditës së enjte në Parlament degjeneroi në fyerje dhe akuza të rënda që prekën deri edhe familjen.
Një nga momentet më kulmore ishte edhe përplasja midis kryeministrit Rama dhe ish-kryeministrit Berisha, që kulmuan me tone fyese të ndërsjellta. Në një moment Rama iu drejtua Berishës duke i thënë; “Gruas dhe familjes sime ti hash ato që s’thuhen” ndërsa në një moment tjetër u pa të përqeshte nënkryetarin e PD-së dhe të Kuvendit, Edi Paloka, duke e stigmatizuar për të folurën e tij.
Vetë Rama sot gjatë fjalës me studentët në konviktim e mjekësisë, dha këtë koment për gjuhën e përdorur
“Ata që thonë nuk nuk duhet të flasë kështu kryeministri, kryeministri nuk bën thhhh, nuk vishet kështu e me radhë. Unë nuk jam bërë kryeministër për tu bërë dikush tjetër, e nuk dua që duke qënë kryeministër të bëhem dikush tjetër e të mos njoh veten. Jam bërë kryeministër, si ky që jam me të gjithë të metat, dobësitë dhe të këqijat dhe nuk kam ndërmend të ndryshoj veten që tu dukem si kryeministër këtyre që nuk dinë cfarë flasin. E shoh të rëndësishme t’u qëndroj besnik njerëzve, të them atë që mendoj, të sillem si më vjen, të vishem si dua, dhe në 2019 të jap dhe unë kontributin tim që në këtë shoqëri njerëzit të mos jenë aq të prapambetur për si e tha, si u vesh dhe muhabete katundi, veshi atletet, doli pa pantallona…”- tha Rama.D.l
