Familjarët e 3-vjeçarit Brian Spahiu dhe dhjetëra qytetarë janë mbledhur pasditen e kësaj të diele pranë klinikës së Roland Xhaxhos ku vogëlushi ndërroi jetë pas një ndërhyrjeje kirurgjikale në gojë.
Me pankarta në duar, grupi i qytetarëve ndezi qirinj pranë spitalit të Zemrës. ‘Pse nuk flasin mjekët, po të ishte fëmija i tyre do flisnin’; ‘Bluzat e bardha janë të shpëtojnë jetë jo të marrin’; ‘Pse nuk reagon Urdhri i Mjekëve’- ishin disa prej pankartave të qytetarëve.
Një stomatolog i cili mori pjesë në tubimin sensibilizues për të miturin 3-vjeçar është prononcuar për mediat. Stomatologu thotë se ajo lloj ndërhyrjeje nuk bëhet brenda një dite ndërsa shton se ka diçka që po fshihet.
‘Nuk mund të mbushësh disa dhëmbë qumështi për 6 orë, është e pamundur. Unë se kam aplikuar për këtë metodë. Diçka ka ndodhur që ata e fshehin, më shumë më erdhi inat për kamerat që tha se janë prishur. Ka ndodhur diçka. Mjeku e ka marrë përsipër këtë gjë fëmija e ka kryer operacionit 1 vjeçe gjysmë dhe ishte shumë i shëndetshëm. Atij i kanë dalë organet jashtë loje. Djali duhej të çohej direkt në urgjencë dhe mund të shpëtonte. Nuk trajtohen brenda një dite, as infeksionet nuk mund të trajtohen brenda një dite.’- thotë stomatologu.
