Familja Frroku në Lezhë ka hapur dyert e mortit. Dy vajzat e kësaj familje, Alma dhe Elda janë vrarë barbarisht në Zvicer nga një shqiptar i Kosovës, bashkëshorti i vajzës së madhe, Almës. Tre fëmijët e çiftit janë strehuar në jetimore në Zvicer. Familjarët thonë se nuk kanë dijeni mbi shkaqet që çuan në këtë tragjedi. Ndërsa fqinjët flasin me respekt për dy vajzat e ndjera dhe për familjen Frroku që sipas tyre është e nderuar e respektuar në gjithë Lezhën.
*Në foto shtëpia e prindërve të viktimave në Lezhë
Ngjarja
54-vjeçari me inicialet R.B nga Kosova por që jetonte në Zvicër ka vrarë gruan e tij, Alma Frroku dhe kunatën Eldën 31 vjeçe që jetonte në Francë por kishte kishte shkuar për vizitë tek e motra në Zvicër.
Bashkëshorti i motrës së tretë të viktimave, Kreshniku, i cili jeton në Francë ka ngritur akuza ndaj baxhanakut të tij, R.B për kryerjen e vrasjes. Sipas “Blick”, çifti jetonte bashkë prej 18 vitesh, ndërsa kishin tre fëmijë, dy vajza: 16 dhe 7 vjeçe si dhe një djalë, 14-vjeçar.
Cifti nuk ishte shumë kohë që ishin vendosur të banonin në apartamentin ku ndodhi vrasja e dyfishtë, por Kreshniku ka pohuar se burri e dhunonte prej vitesh Almën.
Kunati i viktimave duke folur për median zvicerane, ka tregua se R.B. e kishte mbajtur të mbyllur Almën, duke mos e lejuar të integrohej në Zvicër dhe të mësonte gjermanishten. Gruaja kishte tentuar që ta denonconte bashkëshortin disa herë, por nuk kishte pasur asnjëherë guxim. Ndërsa, banorët e zonës përreth, kanë deklaruar se disa herë nga banesa e çiftit është dëgjuar britmë dhe zhurmë e grindje.
Tre fëmijët e mbetur pa nënë dhe me babanë e burgosur, janë vendosur në një jetimore në Brugg ku ndodhen nën përkujdesjen e autoriteteve. /Opinion.al
*Në foto, arrestimi i autorit të krimit
*Në foto banesa ku ndodhi krimi i rëndë
