E mitura në Malësinë e Madhe familja e të cilës është në gjakmarrje është regjistuar në shkollë.
Pasi rasti i saj u bë mediatik në emisionin Fiks Fare, Ministria e Shëndetësisë dhe Mbrojtjes Sociale dhe Ministria e Brendshme kanë ndërhyrë nëpërmjet stukturave të tyre dhe kanë bërë të mundur që vajza 7 vjeçare të regjistrohet dhe vazhdojë shkollën për të mos humbur as edhe një ditë.
7 vjeçarja ndjek klasën e dytë dhe foto e saj në bankat e shkollës është publikuar nga Ministrja e Shendetësisë dhe Mbrojtjes Sociale Ogerta Manastirliu.
Agjencia Shteterore për të Drejtat dhe Mbrojtjen e Fëmijëve ka refreruar rastin për ndjekje tek NJMF në bashkinë Malësia e Madhe dhe vazja është pajisur me libra dhe veshmbathje.
Po ashtu është vënë në dijeni për rastin, perfaqesuesi i policisë që mbulon sektorin e dhunës dhe mbrojtjes së miturve në këtë drejtori, i cili ka njoftuar SPZ e zonës ku ka vendqendrimin e mitura per ndjekjen dhe monotorimin e rastit.
E mitura prej 3 vitesh jeton pranë familjes së gjyshërve në Vrakë Malësi e Madhe dhe shkon në shkollë në shoqërinë e kushërirës së saj.
