Muhamed Tarik Mahmud, i shoqëruar nga i vëllai dhe 9 fëmijë, persona të besimit islam, janë ndaluar që të marrin fluturimin drejt SHBA në aeroportin e Londrës.
Ata ishin nisur drejt Disneyland por oficerët e sigurisë i kanë ndaluar duke u thënë se leja për të hipur në aeroplan është shfuqizuar, ndonëse të gjitha dokumentet i kishin në rregull.
“Mendojnë se të gjithë myslimanët janë kërcënim. Fëmijët janë mërzitur se nuk mund të shkojnë t’i vizitojnë kushërinjtë e tyre në Kaliforni”, tha Mahmud i revoltuar.
Ai nuk arriti dot as të merrte mbrapsht paratë e shpenzuara për atë fluturim të humbur.
Kryeministri britanik David Cameron tha se do të kërkojë sqarime nga Washingtoni për këtë sjellje ndaj shtetasve të Britanisë së Madhe.
