Një person është gjetur i mbytur në Shkodër. Sipas informacioneve trupi i pajetë i përket 14-vjeçarit i cili prej 4 ditësh rezulton i zhdukur Valentin Çarkaj.
Prej 4 ditësh familja kishte dhënë alarmin, pas mungeses se gjate ne shtepi. Sipas familjarëve ai shkoi të lahej së bashku me shokët, por më pas nuk është parë më. Familjarët thanë kur bene denoncimin se ai jetonte jashtë vendit prej 14 vitesh dhe nuk e njeh fare qytetin.
“Ka humbur fëmija në foto. Ju lutem kush ta shohë apo ka ndonjë informacion ta kontaktojë me policinë ose në këtë numër…” Prej katër ditësh, familja Çarkaj, kërkonte me dëshpërim të gjente Valentinin, djalin 14 – vjeçar nga fshati Hot i Ri, i cili u zhduk mesditën e së dielës.
Valentini kishte dalë bashkë me një shok për t’u larë në lumin Kir, në zonën e Prekalit. Por, pak metra lart shtëpisë, sipas dëshmisë së shokut të tij, 14 – vjeçari ishte shkëputur dhe shoku i tij nuk e kishte parë më. Familja e Valentinit kërkoi përgjatë gjithë lumit Kir, nëpër kanalet vaditëse të rezervuarit të Shtodrit, tek të afërm e miq, por adoleshenti nuk gjendej gjëkundi.
Deri mesditën e kësaj të mërkure, kur ata morën lajmin e hidhur se 14 – vjeçari është mbytur. Trupi i tij i pajetë u gjet në një kanal vaditës. Dyshimet paraprake janë se ai mund të jetë mbytur në lum teksa po lahej. /opinion.al
