Gati gjashtë muaj pas grabitjes së rëndë që iu bë Kim Krdashian-it në Paris, një tjetër anëtare e familjes së saj ka përjetuar të njëjtën ndjesi.
Bëhet fjalë për modelen Kendall Jenner. Sipas TMZ-së persona që kanë qenë në shtëpinë në Hollywood Hills dhe kanë grabitur bizhuteri me vlerë 200 mijë dollarë, afërsisht, 162 mijë euro. Atë natë, 21 vjeçarja kishte organizuar një festë. Rreth mesnatës ajo ka dëgjuar alarmin që tregonte se dikush kishte hapur një prej dyerve por e injoroi atë. Vetëm një orë më vonë ajo ka kuptuar që i mungonin bizhuteritë.
Policia e Los Angelesit ka thënë se ata morën një telefonatë në orët e para të ditës së 16 marsit ku raportohej për një vjedhje. Deri tani mendohet se vjedhja është kthyer nga person i brendshëm pasi nuk janë konstatuar shenja të hyrjes me forcë në shtëpi.
