Miroslav Ivanoviç, vëllai i Oliver Ivanoviç, politikanit të vrarë në Mitrovicë, ka deklaruar se të gjithë familjarët do të shpërngulen në Beograd pas ngjarjes tragjike për familjen e tyre.
Teksa po i jepet lamtumira në Beograd, politikanit serb të Kosovës, i vëllai thotë se “asnjë nga familjarët nuk do të jetojë më në Mitrovicën e Veriut aty ku u rritëm dhe zhvilluam karrierën”. “Ende nuk më besohet, jam i mpirë, nuk mund ta pranoj ende se çfarë ka ndodhur”, ka thënë vëllai i të ndjerit.
Edhe bashkëshortja e viktimës, Milena Bogran Ivanoviç, ka thënë se këmba e saj nuk do të shkel më kurrë veri të Mitrovicës.
