Familja e Ervis Martinaj ka kallëzuar në polici se ka humbur kontaktet me të kërkuarin e policisë.
Ka qenë xhaxhai i Ervis Martinajt, Faik Martinaj, që ka bërë kallëzimin pranë autoriteteve.
Burime për gazetaren Klodiana Lala thanë se xhaxhai i Martinaj pretendon se nuk ka asnjë kontakt me nipin e tij, ndonëse Ervis Martinaj është shpallur në kërkim nga policia shqiptare.
Kallëzimi vjen disa javë pas atentatit të ndodhur te mbikalimi i Fushës Krujës ku u ekzekutua kushëriri i tij Brilant Martinaj, dhe dy të rinjtë Dikler Vata dhe Besmir Hoxha.
Ndërkohë që në lidhje me pretendimin e familjes nuk dihet nëse është një inskenim nga ana e 40-vjeçarit Ervis Martinaj apo ka ndodhur një ngjarje kriminale.
Martinaj është në kërkim pasi sipas dëshmisë së të penduarit të drejtësisë Nuredin Dumani kishte urdhëruar vrasjen e Endrit Dokles, atentat që nuk u krye.
