Deri më tani 5 persona janë arrestuar në operacionin policor i koduar “Shtegtimi”. Sipas njoftimit të policisë një 18- vjeçar I identifikuar me iniciale O. Gj., është arrestuar.
Teksa mësohet se në bashkëpunim me 4 personat e tjerë të arrestuar 3 ditë më parë, kanë falsifikuar formularë të testit ‘’COVID-19’’ për t’u mundësuar udhëtarëve të ndryshëm vajtjen në vendet e BE-së, kundrejt përfitimit.
“Ky shtetas, në bashkëpunim me shtetasit e tjerë të arrestuar, duke përfituar nga situata e pandemisë ‘’COVID-19’’, nëpërmjet kamuflimit, për t’u mundësuar udhëtarëve të ndryshëm vajtjen në vendet e BE-së, kryesisht në Gjermani, kanë përfituar shumën 600 euro për person, duke shmangur detyrimet tatimore, si dhe kanë falsifikuar formularë të testit ‘’COVID-19’’ dhe garanci të destinacionit të vendit pritës”– thuhet në njoftimin e policisë./Opinion.al
