Një 35-vjeçar i shpallur në kërkim për falsifikim të materialeve zgjedhjore në zgjedhjet paarlamentare të 25 prillit është arrestuar nga policia në Pikën Kuftitare të Qafë Thanës.
Sipas policisë, shtetasi me inicialet E.Z në bashkëpunim me 7 shtetas të tjerë që kanë patur si detyrë numërimin e votave gjatë procesit zgjedhor të datës 25.04.2021 dhe ka shënuar në tabelat e rezultatit, të dhëna të ndryshme nga ato të fletëve të votimit.
Për 35-vjeçarin, banues në Rrajcë në Librazhd, është caktuar masa e sigurisë “arrest me burg” për veprën penale “Falsifikimi i materialeve zgjedhore dhe i rezultatit të zgjedhjeve”./Opinion.al
Njoftimi i policisë
Falsifikoi materialet zgjedhore të procesit zgjedhor të datës 25.04.2021, kapet në PKK Qafë Thanë dhe vihet në pranga 35-vjeçari (numërues votash), i shpallur në kërkim.
Specialistët për Hetimin e Krimit Ekonomik dhe Financiar në DVP Elbasan bënë ekzekutimin e masës së sigurisë “Arrest në burg”, për veprën penale “Falsifikimi i materialeve zgjedhore dhe i rezultatit të zgjedhjeve”, për shtetasin:
-E. Z., 35 vjeç, banues në Rrajcë, Librazhd.
Nga veprimet hetimore dyshohet se ky shtetas, në bashkëpunim me 7 shtetas të tjerë (të ndaluar më parë) që kanë patur si detyrë numërimin e votave gjatë procesit zgjedhor të datës 25.04.2021, ka shënuar në tabelat e rezultatit, të dhëna të ndryshme nga ato të fletëve të votimit, me qëllim favorizimin e kandidatëve të subjekteve zgjedhore.
