Anëtari i Komisionit të Pavarur të Kualifikimit, Lulzim Hamitaj, do të paraqitet ditën e sotme në Prokurorinë e Tiranës.
Hamitaj do të japë shpjegime pranë organit të akuzës lidhur mbi një akuzë të ngritur nga Partia Demokratike, për falsifikim të dokumenteve.
Konkretisht të çertifikatës së gjuhës angleze, që ka dorëzuar gjatë aplikimit për në organet e Vettinngut
Denoncimi
Më datë 30 qershor 2018, deputetët demokratë Alibeaj dhe Bardhi, denoncuan prokurorin Hamitaj për falsikim të certifikatës së gjuhës angleze.
“Nëse në vitin 2015 Lulzim Hamitaj do të ishte i pajisur me çertifikatë që provon se zotëron nivelin e përparuar C1, atëherë pse në aplikimin e vitit 2016, deklaron se zotëron anglishten në nivelin fillestar B1?”, denoncoi Alibeaj.
Më tej Alibeaj shtoi se: Certifikata e dorëzuar gjatë aplikimit për në organet e vettingut, mban datën 6 Prill 2015. Nga verifikimi i të dhënave të sistemit TIMS, rezulton se shtetasi Lulzim Hamitaj, në datën 6 Prill 2015, ku pretendon se ka dhënë provimin dhe është pajisur me çertifikatë të zotërimit të gjuhës angleze, nuk ka qenë në Shqipëri!
