Kreu i Partisë së Lirisë, Ilir Meta ka deklaruar se më datën 1 shtator do të padisë Autoritetin e Dosjeve.
Në një konferencë për mediat Meta tha se padinë do e ngrejë për shkelje flagrante të ligjit organik të dosjeve te sigurimit të shtetit, për falsifikim të dosjes së qytetarit T.T dhe për manipulim me qëllim shantazhi.
“Më 1 shtator do të padis penalisht Autoritetin e Manipulimit të Dosjeve për shkelje flagrante dhe të provuara të ligjit organik të dosjeve te sigurimit të shtetit. Për falsifikime të qëllimshme të dosjes së qytetarit T.T. Edhe për manipulim për qëllim shantazhi dhe nxjerrje të materialeve të klasifikuara sekret shtetëror. Unë jam njohur plotësisht me dosjen e përndjekjes së qytetarit F.T. nuk ekziston asnjë dosje për Ilir Rexhep Metajn.”- tha Meta.
